الثلاثاء، 26 أغسطس 2008

التاج

التاج ده جالى يوم ما كنت هابقى عروسة فرحت بيه جدا وكنت قلقانة من اليوم ده جدا بس لما شوفت التاج حسيت انى هابقى اميرة
بجد فرحتنى بيه نرمين جدا
واللى ياخده منى ان شاء الله يتخطب او يتجوز
ربنا يبارك لكل الناس ان شاء الله

1 - أذكر صفتين لا يعرفها من يحدثك لأول مرة ؟-

من يرانى لأول مرة يعتقد انى بقمة الهدوء ويكتشف بعدها انى ابعد ما يكون عن تلك الصفة


..
2- أذكر صفتين يراها الناس فيك وهى ليست كذلك ؟

اعتقد ان البعض يظن انى تافهة او انى لا املك عقل ككل البشر مجنونة بمعنى اصح


- ..3- أذكر ثلاثة من مدوناتك المفضلة؟
. جوايا شئ نفسه يشوف النور

احتمال

روح قلب ماما


4 - لو معك ثلاث وردات لمن تهديها ؟

واحدة ليا انا وعمرو ده خطيبى طبعا

واحدة لاخويا علشان يديها لخطيبته

وعقبال ما اجيب الورد هاكون فكرت فى حد كمان بس اكيد هافكر فى حد محتاجلى او حد وقف جنبى اوى


- ..5- من هو افضل رئيس عربى برأيك برر بسببين ؟؟

رئيس عربى!!!!!!!!!!!هو فيه رؤساء عرب اصلا

لكن لو رئيس راحل فانا بحب عبد الناصر


6- شئ فعلته وندمت ؟

مش بحب الندم خالص حتى لو غلطت بحب اتعلم من اخطائى بدل ما اضيع الوقت فى الندم

بس الحاجة اللى بندم عليها بجد لما بزعل امى حتى لو حاجة صغيرة



7- شئ لم تفعله وبردو ندمت ؟

لا الحمد لله مفيش حاجة فى نفسى مش بعملها علشان مش بحب اندم انى كنت اقدر ومش عملت

بس لما حد بيحتاجنى ومش بكون جنبه بندم انى اتخليت عنه


8- حلم تتمنى تحقيقه

بصراحة هو حلم لسه بحلمه جديد ومكنتش متخيله انى هاحلمه لو كنت جاوبت على الاسئلة دى من كام يوم كنت هاقول انى بحلم ابقى عروسة

لكن الحمد لله ربنا تمم بخير وبقيت عروسة واتخطبت

حلمى اللى جاى كله فى حياتى انى ابقى زوجة صالحة ان شاء الله

وان ربنا يوفق عمرو فى شغله هناك ويقدر ياخدنى معاه فى اسرع وقت بعد الكلية طبعا

ادعولى



9- أهدى التاج لثلاثة مدونين ؟

جوايا شئ نفسه يشوف النور

medus

فارس بلا جواد

هناك 18 تعليقًا:

Unknown يقول...

اول تعليق
اولا مبروك على خطوبتك اللى معرفش بيها غير دلوقت واتمنالكم السعادة
ثانيا شكرا على اهدائى التاج وانا من النوع اللى مبحبش الاسئلة لكن ربنا يسهل واجوبة
ثالثا صراحتك فى الاجابات احيكى عليها
تحياتى والى الامام

shimaa يقول...

medus
الله يبارك فيك والله انا نفسى معرفتش بالخطوبة غير قبلها بيوم او اتنين
كل حاجة تمت بسرعة الحمد لله

شكرا على تحييتك وان شاء الله تجاوب بصراحة برضه

جزيت خيرا

ShimaaMahdy يقول...

مبروك على الخطوبه

و مبروك على التاج

و ربنا يحققلك حلمك ان شاء الله

كل عام وانتى بخير

تحياتى (:

Saadya Arafat يقول...

مبروك يا جميله على الخطوبه
عقبال الفرح يارب :)
وتكونى اسرة مليانه حب وفرح
وسعاده ... اللهم امين

واشكرك على التاج الهديه
وان شاء الله فى اقرب وقت هجاوب
مع انى دايما انا اللى بحط اصحابى
فى موضع الاسئله بس المره دى جت فيا
:-D

كل عام وانتى بخير
رمضان كريم
ربنا يتقبل منا جميعا
:)

shimaa يقول...

شيماء مهدى
تزداد سعادتتى كلما وجدت من يزور مركبى
الله يبارك لك

يارب تتحقق احلام الجميع

وانت بالصحة والسلامة

جزيتى خيرا

shimaa يقول...

جوايا شئ نفسه يشوف النور

ربنا يباركلك يارب
اجمل دعوة بجد دعيتهالى انى اكون اسرة مليانة حب وفرح
ان شاء الله هاعمل اللى اقدر عليه علشان احقق الحلم ده

جزيتى خيرا

غير معرف يقول...

حبيبتى و صاحبتى و خطيبتى و صاحبة اجمل تاج احب اهنيكى بالموضوع الجميل دة و اتمنى انى احققلك كل اللى بتحلمى بيه بجد كنتى عروسه زى القمر و يارب يتمملنا على خير ويا رب مزيد من موضوعاتك المتميزة و موضوع السؤال و الاجابة دة جميل كدة متميزة كالعادة وياااااااااااارب اكون سبب سعادتك دايما بحبك

shimaa يقول...

عجزت ان اجمع حروفى لاكتب بها ردا يوفى كلماتك حقها
لكنى حمدت الله انه اعطانى اياك
حقا لا اجد ما اقوله
وان وجدت لن يكفى
سيكون ردى عليك ليس هنا لكنه بموضوع لك وحدك سأحاول فيه ان اجمع ما اعبر به عن ما احس به وانت بحياتى
وسامحنى لانى لا اظن ان الحروف تكفى

وجودك الى جوارى يزيدنى قوة
اسمح لى لم تحقق لى ما حلمت به لكنك اعطيتنى ما فاق أحلامى كثيرا حتى انى استيقظ ليلا لأتحقق انى لا اعيش بحلم ينسجه قلبى المشتاق
ايقنت الان ان مجرد وجودك بعالمى هو كل سعادتى وراحتى وامانى
كنت دوما نعم الاخ والصديق
وانت الان كل الحياة

اعدك ان اكون نعم الزوجة

ادعيلى بس اتعلم اطبخ

حفظك الله لى دوما

.. نرمين زين الدين .. يقول...

مبروك يا قمر
ألف مبروك
كان نفسي تنزلي ظروف الخطوووووبه;)
إجاباتك حلوة اوي علي فكره
ما شاء الله
إنتي جميلة أوي يا شيماء
وربنا يحققلك كل الي تتمنيه إن شاء الله

أحبك في الله

shimaa يقول...

نرمين

مش تقلقى استنى الموضوع الجاى وهتلاقى فيه كل حاجة ان شاء الله

بقيت بحب الدعوات دى اوى وان شاء الله يكن لك مثلها

احبك الذى احببتنى فيه

جزيتى خيرا

Saadya Arafat يقول...

شكرا يا جميل على التاج

كله تمام وتم التنفيذ

يارب اكون جاوبت بصراحه

لانى معنديش غيرها

تحياتى اليكى :)

قديسك مولاتى يقول...

تسلم ايدك على المدونه الجميله دى
وبمناسبه الأسئله والاجوبه
انا مافتكرش فى حياتى غير سؤالين وعرفت اجابتهم بعد عدة تجارب
1 _ ماهو الشىء الذى تتوقعه فى الحياه
ج_ انها غير متوقعه بالمره
2_ ماهى القاعده الاولى لك فى الحياه
ج_ القاعده الاولى ( لاتوجد قواعد )
احب اشوفك فى مدونتى .. وتسلم ايدك على الكلام الحلو

shaimaa samir يقول...

احم
ايه ده يا شيماء
اكيد مش بتكلم ع التاج
بتكلم علىىىىىىىىى
ردك
قلبى وجعنى
ربنا يسامحك
بحبكككككككككككككككككك
ويارب كلنا نتعلم نطبخ
ههههههههههههههههههههههههه

ربنا يسعدك
تستهلى كل خير
عمروخللى بالك عليها
دى روحنا كلنا
بحبك يا شيكو

shimaa يقول...

مجدى عبده

زادت مركبى شرفا بمجيئك
معك كل الحق فى ما توصلت اليه من نتائج
لكنها الحياة التى لا نستطيع معها ان نتجادل

جزيت خيرا

shimaa يقول...

شيماء سمير

انا كمان بحبك اوى

ردى هو اللى حسيته فعلا
كل انسان له عندى من الكلمات ما يستحق
وهذا ما احسست انه يستحقه بحق
ولك ان شاء الله مثل ما دعوت لى به

جزيتى الخير كله

shimaa يقول...

أسير الجراح

اشكر مرورك ويسعدنى تواجدك دوما

جزيت خيرا

shimaa يقول...

كيارا

الله يبارك فيك
ارجو ان تطلى علي مركبى دوما

جزيتى خيرا

غير معرف يقول...

ربنايوفقك